"القصة كانت احلى في دماغ الكاتب"
القصة كانت احلى في دماغ الكاتب ، قصة حلوة بس تنفيذ مقبول نسبيا ، كان ممكن تتنفذ بطريقة احسن من كدةمع ذلك استمتعت بيه جدا و حبيته جدا و عشت معاهم يومين كاملين على المسلسل لحد ما خلصته
نزلت التقييم عشان بس في تمطيييط في الآخر و عشان إعادة المشاهد الكتير اللي بيحصل في الحلقات يعني لي اشوف المشهد ميتين مرة ولازم كامل يعني تقعد كل حلقة تعمل سكيب لحوالي ربع ساعة متقطعين من كتر ما انت عايز تتفرج على جديد و زهقت من إعادة المشاهد
Was this review helpful to you?
arabic review
مسلسل حلو نسبيا امتعتني مشاهدته و حبيته جدا بس محبتش الكوبل الرئيسي اوي كالعادة الكوبل الثانوي احلى بكتيييرالقصة حلوة بس في تمطيط و شوية اوڤر في حتة أنه مات و هي استنته و قعدت تقدم اكل و قرابين عبال ما يرجع يعني مش حلوة اوي بس فرحت لما رجعلها تاني و اتجمعوا
Was this review helpful to you?
ازاي في دراما فيها المشاعر دي كلها !!
المسلسل دة انا خلصته من زمان من حوالي ٦ سنين بس لسه بيجي على بالي و لسه بتفرج على مقاطعة للآخر و لسه بشتاقله بشتاق للمشاعر اللي فيه من حزن لفرح لقسوة لدموع و بكاء لمفاجأة لحب و رومانسية لصداقة العفريت بقابض الأرواح ، ازاي كدا كل حاجة حلوة. ومشاعرها صادقة و جميلة و مريحةخاصة الحلقات بتاعت أنه سافرلها و لقاها لما فقدت الذاكرة عنه و أخفى هويته عنها ، الحلقات دي انا بحبها جدا و مستعدة أعيدها و اعيش مشاعرها كل يوم ، خاصة اما عرفت هويته كنت هموتتت من الفرحة بجدد
القُبلة اللي بعد ما رجعو لكوريا؟ دي شئ تاني ، قُبلته على عينها و رأسها وصلت مشاعر كتيرررر اوي مبتوصلش بالكلام .."انا بحبك" "انتي طفلتي" " "انتي ف ايد أمينة"
وصلها كل المشاعر دي ف قبلة واحدة ازاي ؟!!
وكمان قبل ما يبدأ معاها اي حاجة عشان يحسسها بالأمان .. كمية حنية في القُبلة دي بجد .
القُبلة اللي قبل ما يتلاشى ويختفي؟ دي مش قبلة دي جملة " انا مش عايز اسيبك أبدا" مع مزيج من " انا خايف عليكي"
معجبتنيش بس قسوته عليها في الاول و شوية الحادات و شرك بالله بس دي طبيعته لان مسلسل خيالي
لكن المسلسل في المجمل عظيم عظيييم
Was this review helpful to you?
البطلة غثيثة
التقييم دا عشان البطل وتمثيله يعني والله شايل المسلسل على أكتافه من كوميديا ل مواقف لتعابير وجه لتمثيل لبكاء لضحكاما البطلة يعني تقريبا عندها ريأكشنين بس بتشتغل بيهم واحد ريأكشن الخجل و ريأكشن المفاجاة و دة ف كل أعمالها تقريبا مبقدرش اتفرج عليها وهي بتمثل ( لو كانت بتعرف تمثل اصلا)
القصة حلوة و ممتعة بس لتقضية الوقت يعني مش حاجة تتفرج عليها وتحس انها وااو لكن لذيذ خفيف كدا لكسر الملل
صديق البطل لطيف و كوميدي عامل أجواء للمسلسل بحب مشاهدته هو و السكرتيرة المساعدة بتاعت البطلة
Was this review helpful to you?
"سأُخرِج المسلسل عن الخدمة الآن"
سأُخرِج المسلسل عن المشاهدة الآن9:12ص
29/7/2025
من امتع المسلسلات .. بل هو امتع المسلسلات اللي اتفرجت عليها في السنوات القليلة اللي اتفرجت فيهم على كيدراما ، من زمان مشوفتش حاجة ممتعة تشدك للحلقة اللي بعديها كدة لدرجة اني خلصت الجزئين ف اسبوع !!
عمر ما مسلسل عملها فيا يخليني اتشد للجزئين واستنى التالت كمان ؟؟!
المدير جانغ اكبر hear me out 😭💗
حتى الرومانسية اللي فيه مش عذاب و دراما لا شخصين متفاهمين و كأنهم عيلة و معندهمش مشكلة يبينوا خوفهم على بعض و احتوائهم لبعض هو اه جزئين المسلسل انتهوا و هما لسه معترفوش لبعض بس ستيل حبيتهم .
هو بس فكرة أن كل العملاء عايزين ينتقموا دي هي اللي صعبة شوية، يعني مش معقول اللي رأيه لأ مش هنتقم هو شخص واحد بس في الموسمين ، بس برضو يعني عشان يكون في محتوى للمسلسل .
المهم أنه ممتع ولذيذ لو في اكتر من ١٠/١٠ كان اعطيته
Was this review helpful to you?
